الأسئلة الشائعة بخصوص تدريب مصر للطيران
إجابة لكافة الأسئلة الشائعة بخصوص تدريب مصر للطيران
تم تجميع هذه الأسئلة بشكل شخصي، يُرجي في حالة النقل ذكر المصدر، وحفاظاً لحقوق الآخرين تم ذكر المصادر التي قُمنا بتجميع الأسئلة منها في أسفل الموضوع.
- التدريب بيكون من يوم الأحد للخميس وبيكون من 9 لـ2 ، وفيه أقسام بتكون عبارة عن شيفتات متغيرة.
- التدريب متاح لكافة التخصصات وتقدر تعرف التدريبات المناسبة لتخصصك من " هنا ".
- الأولوية في القبول بتكون لطلبة رابعة ثم ثالثة ثم ثانية، عشان الناس الي بتسأل كتير ليه متقبلتش.
- مفيش تقدير معين مطلوب.
- التدريب مش بيضمنلك وظيفة بعد الشغل نهائي، هو مُجرد تدريب لإكتساب خبرة وإنك تضيف حاجة جديدة للسيرة الذاتية بتاعتك.
- طول فترة التدريب بتتعامل كأنك موظف بدوام كامل " Full Time ".
- التدريب متاح بكافة شركات مصر للطيران والمطارات علي مستوي الجمهورية، بناءاً علي ماتم ذكره من خلال الإعلان الرسمي لأكاديمية مصر للطيران بخصوص التدريب.
- بتاخد شهادة من أكاديمية مصر للطيران بعد التدريب.
- أوقات رسالة القبول بتوصل في مجلد السبام ، عشان كدة يفضل متابعة إيميلك بصفة مستمرة، وإنك تضيف الإيميل الرسمي ضمن جهات الإتصال.
- بيكون فيه إنترفيو بس مش لكل الأقسام.
- اللبس فورمال ولا كلاسيك ولا سيمي فورمال، علي حسب إنت نازل فين، فيه أماكن ممكن يقولك عادي ، وفيه أماكن يقولك فورمال زي العلاقات العامة أولو نازل في الشركة القابضة مثلاً.
- التدريب بيفتح مرتين، مرة بتكون في شهر ديسمبر ومرة بتكون في شهر إبريل.
- متاح التقديم للخريجين.
- رسوم التدريب بـ200ج للطلبة / 600ج للخريجين.
- إنت مش بتقبض بعد التدريب خالص، هي الشهادة فقط.
- التدريب ده تدريب طلبة الجامعات فقط، مش تدريب المضيفين.
موعد فتح التقديم للتدريب :
التدريب هيفتح يوم 1/12 الساعة الـ9 صباحاً حتي 3/12 الساعة 9 مساءاً.
التقديم للتدريب
تنبيه هام : لو فيه أسئلة مجاوبناش عليها فبنستأذنك تقولهالنا في الكومنتات وإحنا هنجاوب عليها بإذن الله، ولو حابب تضيف حاجة أومعلومة زيادة مُمكن تقولهالنا برضوة.
مصادر الأسئلة والمعلومات :